Aplikacioni për celular
Me aplikacionin për iOS dhe Android e ke Shkrimorin edhe në telefon. Aty gjen redaktorin me kontroll gjuhësor, dokumentet dhe Fjalorin e madh.
Shkrimori vjen edhe si aplikacion për iOS dhe Android, që të shkruash e të kërkosh fjalë edhe kur nuk je para kompjuterit. Lidhesh brenda aplikacionit me email ose me Google, Apple a Facebook. Pastaj i gjen katër skedat kryesore: “Kryefaqja”, “Dokumentet”, “Fjalori” dhe “Profili”. Aplikacionin e shkarkon nga faqja e shkarkimeve.
Redaktori në telefon
Redaktori vjen me kontroll gjuhësor të drejtpërdrejtë: gabimet nënvizohen ndërsa shkruan. Prek një nënvizim dhe hapet fleta e sugjerimeve. Me “Rregullo” ose “Zëvendëso” e ndreq fjalën me një prekje. Ke edhe dy nivelet e injorimit, “Injoro” dhe “Injoro përgjithmonë”, njësoj si në kompjuter.
Dokumentet
Te “Dokumentet” i mban shkrimet të organizuara në dosje dhe i shënon me yll ato më të rëndësishmet. Me “Importo” sjell një skedar .docx nga telefoni. Me “Shkarko (.docx)” dhe “Shkarko (.pdf)” e nxjerr dokumentin përmes fletës së ndarjes së sistemit. Më shumë rreth importit dhe eksportit gjen te artikulli përkatës.
Fjalori dhe zëri
Skeda “Fjalori” ka kërkim të gjallë me sugjerime, fjalët e ruajtura (të sinkronizuara me llogarinë tënde) dhe fjalët e hapura së fundmi. Butonat e zërit ta shqiptojnë fjalën, ndërsa një kapsulë lundruese luan dhe kontrollon dëgjimin. Edhe dokumentet audio nga biblioteka luhen po aty.
Aplikacioni nuk ka blerje brenda tij. Planet menaxhohen në faqen tonë të internetit, te çmimet.